Utdanningsstøtte: Omgjering av lån til stipend

Kari har flytta heimanfrå og skal begynne å studere sjukepleie. Ho søkjer om lån og stipend frå Lånekassa. Søknaden blir godkjend.

Kari veit at ein del av lånet kan bli omgjort til stipend etter at ho har bestått eksamen. Ei stund etter eksamen får ho melding frå Lånekassa om at ho berre får delvis, og ikkje full, omgjering. I brevet frå Lånekassa står det at ho har rett til å klage. Kari nyttar seg av klageretten, men får ikkje medhald i klagenemnda til Lånekassa. No lurer ho på om ho kan klage til Sivilombodsmannen, og korleis ho i så fall skal gå fram.

Det er under eitt år sidan vedtaket i klagenemnda blei gjort. Kari kan derfor klage til Sivilombodsmannen. Ho finn ut at det er enklare å bruke klageskjemaet til ombodsmannen enn å skrive brev. Kari skriv ut skjemaet frå heimesida til ombodsmannen. Ho fyller det ut og legg ved ein kopi av vedtaket i klagenemnda. Klageskjemaet med vedlegg sender ho til postadressa til ombodsmannen: Sivilombodsmannen, Postboks 3 Sentrum, 0101 OSLO.